gia vang , seo uy tin , bao ve viet nam , cong ty bao ve viet nam , dich vu bao ve viet nam , thoi trang viet nam , website templates , magento wordpress opencart themes , magento wordpress opencart themes , magento wordpress opencart themes , Car Reviews information Magazine , thoi trang viet nam , tin tuc moi viet nam , tin moi viet nam , chia se mon ngon , phim viet nam , ung dung game , tin giai tri , tin cong nghe , khach san da lat , anh showbiz , my pham trang da , bao da samsung , op lung iphone , bao ipad , tap chi sao , kem duong da , may tinh bang , samsung , dien thoai sky , iphone , smartphone gia re , phim club , bao cong nghe , ipad , iphone 5s , thoi trang , Game Mobile , game mobile , meo vat , me va be , OpenCart Themes , flash card

Home > News > Beleggingsopsies in ‘n lae rentekoers omgewing

Beleggingsopsies in ‘n lae rentekoers omgewing

Ek ontvang vroeër die week `n oproep van `n voornemende belegger wat namens `n liefdadigheidtrust R2m wil belê. En nou hoop ek nie dat `n aantal lesers sommer nou oorskakel om `n volgende berig te lees nie, want my dilemma geld ook vir iemand wat nie nou inkomste nodig het nie, maar wat nie eintlik kan of wil risiko neem nie.

Hierdie stelling geld vir die trustees van die liefdadigheidtrust hierbo genoem maar  agv die wisselvalligheid wat nou op markte heers tree die meeste beleggers baie versigtig op, so al asof hulle ook maar net trustees van `n liefdadigheidstrust is. Niemand wil risiko neem nie, maar wil tog beter opbrengs op hulle fondse hê. In `n omgewing waar rentekoerse laag is en nou selfs voorspel word om verder te daal,  het beleggers `n krisis. Dit is nog `n groter probleem vir beleggers in die Westerse wêreld waar rentekoerse baie naby aan nul is.

Eerstens dink ek moet beleggers seker maak oor hulle beleggingsdoelwitte. Indien jy nie inkomste uit jou belegging benodig nie en ook weet dat jy nie die kapitaal oor die volgende , sê vyf jaar, gaan benodig nie, het jy `n hele reeks opsies beskikbaar.

Iemand wat geen risiko wil neem nie, kan in die geldmark belê, of in `n vaste vyf jaar termyn belegging by die versekeraars (en die opbrengs belastingvry verdien) of as jy nie belastingpligtig is nie kan jy wel `n vyf jaar belegging by die bank aangaan of in die staat se kleinhandelstaatseffekte belê. Dit is alles baie veilige beleggings en jou kapitaal is vir alle praktiese doeleindes gewaarborg. Die risiko van `n geldmarkbelegging is dat koerse kan daal en die vyf jaar belegging se risiko is dat koerse kan styg en dan is jy vas teen die oorspronklike koers. Indien hierdie belegging nie aan jou verwagtings voldoen nie en indien jy wel belastingpligtig is , kan jy dit oorweeg om na voorkeuraandele te kyk. Hierdie aandele betaal wel inkomste uit, maar in die vorm van dividende , wat in die hande van die ontvanger daarvan belastingvry is. Die opbrengskoers van hierdie dividende is gekoppel aan prima, maar die kapitaalwaarde van hierdie belegging kan tog wissel. Tans verhandel die koerse van  hierdie voorkeuraandele tussen 74% en meer as 90% van prima . Die jongste opbrengskoers op die twee fondsbestuurders wat hierdie opsie in `n effektetrust verpak het staan tans op  onderskeidelik 7.0% (voor kostes) en 6.1% (na kostes) en onthou dit is belastingvry. Dan is daar ook genoteerde eiendomstrusts en effekte. Koerse op hierdie twee bateklasse het die afgelope maand skerp gedaal, wat die aantreklikheid van hierdie bateklasse laat afneem het. Onthou as koerse daal styg die kapitale waarde van hierdie bates en derhalwe is mens versigtig dat die omgekeerde op `n stadium kan plaasvind wat weer kapitaalverliese tot gevolg sal hê.

Hierna kan ons na `n aandeel portefeulje toe spring. Wisselvalligheid sal aan die orde van die dag wees.  En dus moet beleggers weet , die waarde van die portefeulje kan daal. Trustees sal bewustelik moet sê dat hulle hiervan bewus is, maar ook dat hulle toegee dat aandele meer kere styg as wat dit daal en dat jy oor die langtermyn waar jou beleggingshorison langer as 5 jaar is, dit kan oorweeg om in aandele te belê. Aandele het al vir baie lang periodes sywaarts beweeg of selfs gedaal en hier dink ek aan VSA aandele oor die afgelope 11/12 jaar en aan Japannese aandele sedert 1990. In beide gevalle was waardasies aan die begin van die periode baie hoog en al het winste gestyg, het markte afwaarts herwaardeer en die resultaat was dat die kapitale waarde afgeneem het of sywaarts beweeg het.

Tans is waardasies egter nie hoog nie. Dus, `n belegger kan nou `n berekende risiko neem en weliswaar hier en oorsee `n portefeulje saamstel wat `n dividendopbrengs van meer as 2.5% sal lewer, maar jy kan ook geredelik verwag dat daardie opbrengs sal styg namate winste en dus dividende styg. Trouens, as dividende teen 12% per jaar styg  , sal die genoemde opbrengskoers oor ses jaar verdubbel het en behoort die waarde van die portefeulje ook te gestyg het.

In terme van my advies wat ek moet lewer soos wat ons dit aan die begin van die artikel gestel het, dink ek dat `n kombinasie van al hierdie opsies dalk die gewenste antwoord is. Dit sal risiko aanspreek, maar ook die tafel vir `n element van kapitaalgroei dek. Dit is ook daarom dat ek gesê het ons kan van `n belegging in die geldmark en voorkeuraandele direk na `n aandeleportefeulje toe spring aangesien alle ander samestellings ook maar `n kombinasie van hierdie beleggings sal insluit.

Category: Rapport

Author

Dawie Klopper

Dawie Klopper

Archive